FACE PoP

FACE Pop× Flyagain.la《我們首爾吧》

一連 10集嘅《我們首爾吧》喺上週五( 25日)播完,喺咪有啲唔捨得靚仔 Oppa同索女 Chako呢?
唔緊要!仲好飢渴嘅巴打打唔使失望,自己隨時上 fanpage重溫之餘,今期特別推出《我們首爾吧》 S.A.Wedding番外篇,大把 pre-wedding婚紗相繼續任你 FF!

喺 S.A. Wedding影婚紗相,化妝間 THE J studio派頭十足,有 3-4人專業團隊跟出跟入幫你化妝兼 set頭,試婚紗嘅 VALERIA studio更加係靚到爆!
價錢尚算公道,一分錢一分貨,記者體驗完夠膽敢講地方、服務係準新人都心動!
去外景拍攝仲有 S.A. Wedding 7人專車接送,夠晒寬敞!

除左地方、服務,影婚紗相最緊要梗係啲相嘅取景同質素啦!

不解釋,自己睇!

攝影: S.A. Wedding
facebook: S.A.Wedding by Wedding Bank
韓國婚紗攝影 Korea Pre-wedding Photography

《我們首爾吧》 FACE POP去片!
facebook: Face Magazine
facebook:我們首爾吧
facebook:又飛啦! Flyagain.la

Emma

instagram: KISSMEMMA
服裝提供: oh!

你覺得韓仔同港男有咩分別?
最大分別應該係韓國男仔好注意紀念日同節日,佢哋會花好多心思同你慶祝,我同韓國男朋友一齊咗三年,到而家佢都仲會好有心機每次都預備驚喜!

你眼中嘅 Chako係?
第一眼見 Chako其實覺得佢好 cool,但熟絡咗之後只有一個字形容佢:懵!但佢真係懵得好可愛,連女仔都會想去照顧、保護佢!

第一次拍網劇,最難忘係?
之前都有喺香港拍過平面硬照、廣告,但咁大嘅制作真係第一次拍。最難忘當然係零下 10幾度都仲要著短裙拍攝,雖然嚟咗韓國巳經 5年,但我都仲係好怕凍。

有乜首爾特別景點推介俾香港 K-pop粉絲?
當然係江南狎鷗亭,因為嗰度有好多韓國出名嘅娛樂公司,而且 d韓星通常練習完都會出去食吓飯,所以喺嗰度行吓隨時都會撞到明星,我試過見到 EXID、 2PM、 4minute。

BIGSTAR  Raehwan

instagram: larrynbeatz

你心目中嘅理想情人係?
我鍾意女仔好 pure,而且聰明獨立,做事要認真。

你眼中嘅 Chako係?
Chako超級可愛,係男仔對住佢都會心動。不過我哋言語不通,有時對住佢表達自己會有啲尷尬。

同 CHAKO拍《我們首爾吧》,最難忘係?
一定係影 pre-wedding!一嚟同 Chako見面唔耐,要拍啲咁親密嘅相真係紅都面晒!而且韓國人對影婚紗相嘅新人好熱情,佢哋會係咁埋嚟祝福你。搞到自己都會投入咗以為自己真係影緊婚紗相。

你接唔接受異地戀?
如果真係出現嘅話我都 ok,始終做藝人其實會周圍飛,係真愛嘅話打風都打唔甩。

撰文:彭家駿
攝影:崔百祥