第二場 School Tour嚟到位於南區嘅嘉諾撒培德書院,全場同學熱烈地支持台上表演,氣氛高漲,絕無冷場,完騷當然要台上台下影張大合照啦!

School Tour

《 FACE Pop》 School Tour 小花 UStar驚臨嘉諾撤培德書院

學生哥讀書辛苦兼壓力大,要搵啱方法令自己放鬆真係好緊要。上周三( 23日)香港青年協會讚好校園及《 FACE Pop》就喺嘉諾撒培德書院合辦咗第二場以「讚好校園熱烈地-專注」為主題嘅校園巡禮。
咪以為去到女校同學都好文靜。事實係全場又尖叫又拍手,反應好到不得了,令台上表演嘅嘉賓小花(譚杏藍)同四位 UStar都 high爆,近一個鐘嘅校園騷真係唔夠喉!

成個校園騷有動有靜,先有嘉諾撒培德書院舞蹈團打頭陣大跳火辣 K-Pop dance,再有三位 UStar靚仔 Alvin、 Danny、 Zelos自彈自唱串燒歌,難怪台下個個女同學都心心眼兼拍爛手掌!加埋小花粉墨登場,教同學點做運動減壓之餘,又唱冧歌畀同學聽,同學熱情尖叫是常識吧!氣氛咁熱烈,難怪第一次去女校做校園騷嘅小花都話,「之前試過去男校反應都好好,估唔到女校同學一樣咁熱情,大家玩得好開心!」

今次活動得以成功,全賴黃少玲校長(上排左二)、青協鄭嘉麗姑娘(上排右一)、 YouTuber小花(譚杏藍)、嘉諾撒培德書院嘅舞蹈團(下排)及四位 UStar,相信同學都獲益良多,過了一個充實愉快的下午。

首次擔任司儀嘅 UStar Enson(左)孖住青協嘅鎖匙做 MC,二人夠晒鬼馬幽默。

小花為咗做嘢兩日冇瞓,不過佢照樣堅持嚟學校為同學唱歌打氣,仲叫同學即席點唱,全場大合唱《小幸運》嗰刻當然係全場高潮所在啦!

打頭陣有嘉諾撒培德書院嘅舞蹈團為活動掀起序幕,大跳 K-Pop勁舞,青春又有活力,台下歡呼聲不斷。

最後仲請到青協註冊社工鄭嘉麗姑娘( Kelly)教大家黠樣關心朋友,「其實朋輩嘅支持同鼓勵好緊要,簡單到拍吓對方膊頭或者給對方一個擁抱已經係好好嘅支持!」唔係畀錢就解決到問題㗎局長!

UStar Alvin、 Danny、 Zelos在台上大唱串燒歌,結他、鋼琴、靚聲加埋三個靚仔呢個化學作用,睇到台下所有女同學都暈晒浪。

為咗令同學用適當方法減壓,小花連同幾個同學仔預先拍咗條片教大家做運動,好有 heart!

咪以為女校同學一定好文靜,當佢哋遇上得意嘅小花同四位靚仔 UStar嘅時候,完全可以用「瘋狂」嚟形容,騷後仲不停 selfie,超級開心!

撰文:校園組
攝影:崔百祥、林迅景